· اللي حصل ببساطة من ابل بخصوص الAi ده الطبيعي اللي كان لازم يحصل.في الوقت اللي العالم كان بيتهم ابل بالتخلف في سباق الAi كنت مستغرب جدًا لانك لو هتتبع الtimeline من اول ما اعلنت ابل عن وحدة المعالجة العصبوية في المعالجات بتاعتها المخصصة لشغل الAi من خمس سنين من اول الA13 في الايفون 11 لحد ما وصلنا للM4 والpapers اللي ابل بتنشرها في مجال الLLMS -وهذكر بعض منها في البوست لينا كمتخصصين في شغل الAi- هتلاقي ان اللحظة اللي احنا فيها دي منطقية جدًا! الشركات العملاقة زي ابل وجوجل وميكروسوفت عندهم القدرة على احتضان اي تقنية بسهولة انت مش هتكون مجرد ابلكيشن لازم يتفتح او ويب سايت لازم يتعمله sign up محدود استخدامه جوة اطار محدد، لاه اطلاقا انت هتكون موجود في كل ركن في النظام وجوه كل تطبيق من ابل وهنوفرلك كمطور Apis تقدر كمان تضيف المميزات دي جوه تطبيقاتك!
احتضان التقنية ده بيخلي الشركات دي وتحديدًا ابل لوضعها الخاص انها عنده القدرة انها تيجي متأخرة عادي بس وقت ما تنزل السوق كل الفضل هيُنسب ليها، فاكر اول جهاز نزل ببصمة؟ هيتقال على طول الايفون مع انه فعليا اول جهاز كان من HTC لكن ابل كالعادة عندها القدرة على تقديم التقنية وفق معايير محددة تصلح للاستخدام اليومي وتوصل بالميزة دي لاعلى واسهل استخدام، فالاستثمار اللي حصل في المعالجات الخاصة بابل خلانا نشوف نتيجته حاليًا وهو استيلاء ابل بشكل رسمي على مصطلح الAi بدل ماكان بيرمز ل Artificial intelligence (الذكاء الاصطناعي) اصبح بيرمز ل Apple intellignece!
ابل دلوقتي هي الشركة الوحيدة اللي عندها القدرة على تشغيل Ai models كاملة ع الموبايل بشكل لوكال لا يحتاج للانترنت.. يعني بيعتمد على المعالج الصغير ده الموجود في الموبايل، وكمان عملت معمارية او خلينا نقول معيار هيكون هو الStandard اللي كل الشركات هتمشي عليه ان لو الموديل اللي ع الموبايل حاسس ان طلبك محتاج اداء اعلى مش هيرفع الداتا بتاعتك كلها ع الservers لالا هيرفع الجزء الخاص بالريكويست بتاعك بشكل مشفر ويتم معالجته وبعد كدا ميتخزنش على سيرفرات ابل!!!!
هنا ظهرت قوة الecosystem من خلال siri مفيش حاجه اسمها موديل اسمه gemini او chatgpt لاه هي سيري وبس وجوة سيري في كذا موديل، يعني في paper ابل نشرتها عن موديل اسمه Ferret Ui عنده القدرة على فهم المحتوى الموجود ع الشاشة، وبالتالي سيري بقى عندها القدرة من خلال قراءة المحتوى وانها ممتدة لكل ركن في النظام والتطبيقات انها تاخد action معين! مثلا حد بعتلك رسالة انك محتاج ترد على ايميل وصلك، هتشغل سيري هتفهم المقصود من خلال تفسيرها للشاشة وهتبعت من نفسها رد بالايميل اللي انت عاوزه اللي وصلككل ده بدون ما تروح انت تفتح تطبيق البريد ولا تcopy وpaste او اي شيء!بتبعت رسالة او بترد على حد؟ سيري هتفهم صورة بروفايل الشخص ده فبمجرد زر هتظهرلكً اوبشنات تقدر تعمل صورة او ستيكر معبر جديد وتبعته! لا محتاج تروح تفتح موقع openai وتدفع 20 دولار وتكتب prompt وتاخد صورة صاحبك كوبي وتقوله عدلي عليها وبعد كدا تسيف الصورة المتعدلة وتبعتها لصاحبك كل ده انت عملته بضغظة زرار جوه الشات ومخرجتش منه.. عظمة!!
مش محتاج بعد ماكتبت نص انك تروح تاني لchatgpt او جالك ايميل انك تاخده كويي وتعرض الخصوصية بتاعتك للخطر وتقوله رد او حسن النص بتاعي ده.. لالالالا خلصت كتابة؟ زر واحد تقدر تقوله اعد الصياغة وتختار كمان نوع الصياغة احترافية ولا عادية او تصحح ليك القواعد النحوية!
ولان سيري عندها القدرة على تفسير محتوى الشاشة وانها تaccess على اي محتوى عندك فمن خلال فهمها لسلوكك واستخدامك هتقدر ترتبلك الاشعارات او ترفزهالك حسب الاهمية او تعملك تلخيص للايميلات وحتى صفحة الويب وانت بتتصفح تديك خلاصة المقال، كل ده بيوضح مدى الدمج للAi اللي وصلت بيه ابل من خلال الMM1 Multimodel اللي ابل برده نشرت paper عنه!
ابل وباقي الشركات عارفين ان المشكلة مش في بناء الai mode سهل جدا تنبني موديل، لكن المشكلة كلها في الdata او بمعنى اصح الdata quality وده بصراحة مفيش منافس لopenai في النقطة دي! عاوز اقولك ان في شركات بتعمل نماذج open source وتقدر انك تستخدمها بسهولة هتيجي عند نقطة الداتا ومش ناشرينها ولا بيتكلموا عنها!
طيب انا عاوز اغير الموديل لان كل موديل ليه نقاط قوة معينة، زي openai اوك وماله، كل المميزات دي سيري هتكون فاهمه انك عاوز اجابة معقدة هترشحلك اتوماتيك عاوز تستخدم chatgpt4o مجانا من غير حتى sign in ولا ليك رسايل محددة ولا الجو ده بس وقتها خلي بالك من الprivacy بس انا مشترك كمان في البلس، وماله كل مميزات البلس هتكون معاك تقدر تصمم صور وتعمل ردود من خلال chatgpt4o وانت برده جوه اي تطبيق، ومن حق اي مطور زي ما قلت انه يدمج المميزات دي كلها جوه الابلكيشنز بتاعته ففكرة الموديل او الاداة المخصصة الواحد لعمل شيء محدد ابل لغتها تماما على اجهزتها واصبح عندك انظمة تشغيل قائمة على فكرة واحدة apple intelligence system!
فانت امام تجربة عظيمة غنية قدمتها ابل بطريقة متناغمة بين السوفت وير والهاردوير ومكنش ينفع حد يقدمها بالطريقة دي غير ابل .. فمكنتش مبالغة لما قلت ان تم السطو على مصطلح ال Ai ليصبح Apple intelligence بدلا من Artificial intelligence!
في السفر
علامات التصنيف
الأرشيف
تسجيل الدخول حتى تترك تعليقاً